«Migalánchel Martín Pardos (Zirigoza, 1959) ye un estudioso fableso autodidazta; ye Cofundador de ro Ligallo de Fablans de l´Aragonés (Zirigoza) en 1982, Presidén de ra Colla de Fablans d´o Sur (Tergüel) -dende 1989 y dica que dixó d´estar operatiba-, y Consellero de pleno dreito de ro Consello d´a Fabla Aragonesa (Guasca) dende 1991. Autor de diferiens articlos y escritos en publicazions como Orache, Fuellas, Rolde, Pancrudo, Rechitos, Ruxiada, Jacetania, Erata, Luenga&Fablas…. y colaborador en bel libro como «Acordanzas de San Pelegrín» ( Guasca, 2000 ) y «El léxico aragonés del Sur de Aragón» (Calamocha, 2024). Con Miguel Angel Pérez Gil -o suyo amigo y compañón d´abenturas fablesas- ha feito moltiples biaxes, replegas e imbistigazions por tod Aragón y más enta dillá dende 1982 dica d´agora. Parti d´istas replegas son estatas capuzatas en o blog de Os Zerrigüeltaires, y asperan continar todas istas aztibidaz en l´esdebenidor.»