O Ligallo de Fablans de l’Aragonés, Fundación Aragonum y Gara d’Edizions aunen as suyas fuerzas ta fer posible una serie de trobadas entre alumnos d’aragonés y escritors, traductors y estudiosos d’ ista luenga. S’inicia TROBADAS CON… en a siede de Fablans-Aragonum (Centro Comercial Independencia de Zaragoza). Se i farán toz os meses de 2025 y ocasionalment podrán fer-se en atros puestos pendendo en l’aforo.
O día 21 Febrero, Día d’a Luenga Materna, prencipioron con Juan Pablo Martínez que fabló de “Traducción en aragonés y luengas minoritarias” e d’a suya zaguera traducción a l’aragonés de «Cartas en l’horrio (y atras historias)» d’o escritor asturiano Inaciu Galán (Gara d’Edicions).
O día 21 marzo TROBADAS CON… contó con a presencia de Chusé Inazio Nabarro, autor de “Fuellas d’Abisinia” y «Reloch de pocha», IV Premio de Nobela Curta Ziudá de Balbastro.
25 d’abril i estió Rafel Vidaller, autor de “Alicas de Gaunilón I (d’as Alpes enta Montaña Clara)” y “Alicas de Gaunilón II (por a Macaronesia)”, que también estioron XI Premio de Nobela Curta Ziudá de Balbastro.
En zagueras, o 21 de mayo, coincidindo con o Día Mundial d’a Diversitat Cultural, se fació “A Trobada” difuera d’a nuestra siede, en a Biblioteca Andresa Casamayor (Roseras d’a Canal), an se i prochectó lo cortometrache y o libro «Cosetas d’adentro», opera prima de Lola Gracia, basata en un cuento que estió premiau en o concurso «Condau de Ribagorza», escrito en baixo-ribagorzano, a suya luenga materna, d’an surtió lo guión.
Chusé Aragüés, editor de Gara, tamién i estió con nusatros en totas as presentacions de “Trobadas con…”.
